Biz oktyabr ərzində üçüncü illik “Düşün, Borc Al” Kampaniyasına başlayırıq! Bu il 20 aparıcı maliyyə təşkilatı Avropa və Mərkəzi Asiyada 14 ölkədə müştərilərin maliyyə savadlılığı sahəsində bilik və bacarıqlarını artırmaq istiqamətində işləyəcəklər. Bu Kampaniya artıq Mikromaliyyə Mərkəzi (MFC) və onun üzvlərinin hər il həyata keçirdikləri bir tədbirə çevrilmişdir.

Kampaniyanin məqsədi nədir?

Əvvəlki illərdə olduğu kimi, bu il də biz təhlükəsiz borclanma, kreditlərin potensialından düzgün istifadə və həddən artıq borclanma tələsinə düşməmə ilə bağlı vacib mesajları çatdıracağıq. Sektor olaraq, bizim gələcəyimiz məsuliyyətli şəkildə borc vermə və beynəlxalq standartlara müvafiq şəkildə müştəriləri artıq borclanmadan qoruma bacarığımızdan asılıdır. Müştəri mühafizəsinin ikinci vacib  elementi isə məsuliyyətli borclanmadır ki, bu da müştərilərin borcdan necə səmərəli şəkildə istifadə edəcəklərini bilmələrini ehtiva edir. Keçən il biz yalnız 1 ay ərzində 300.888 müştəriyə mesajımızı birbaşa çatdıra bilmişik. Buna görə də biz tərəddüdsüz inanırıq ki, bu Kampaniya çox sayda müştərilərə hədəflənmiş maliyyə maarifləndirmə mesajlarını çatdırmaq üçün əla vasitədir.

Kimlər iştirak edir?

Bu il Kampaniya tərəfdaşları arasında AzərKredit (Azərbaycan), EKI, Lider, MiBospo, Partner (Bosniya və Herseqovina), SIS Credit (Bolqarıstan), Adie (Fransa), Crystal (Gürcüstan), Kepa (Yunanıstan), AFK (Kosovo), Horizonti (Makedoniya), Microinvest (Moldova), AgroInvest (Serbiya və Çernoqoriya), Vitas (Rumıniya), Imon (Tacikistan) və digərləri vardır.

Tərəfdaşlarımız Kampaniyada niyə iştirak edirlər?

“Biz həm müştərilər, həm də  kredit mütəxəssislərinin kreditlər haqqında düşündüklərini, daha çox sual verdiklərini, daha çox təfsilatı araşdırdıqlarını görməyə şadıq. Beləliklə onlar daha məsuliyyətlidirlər və biz bu yolda belə davam etməyimizi istəyirik…” Dragana Lukic, Marketinq Menecer (Mi-Bospo, BiH).

“Bu Kampaniya kreditin yalnız imkanlar deyil, yeni risklər də yaratdığı barədə məlumatlılığı artırmaq üçün yaxşı bir fürsətdir”  Sébastien L`Aot, Əməliyyat Direktoru (Adie, Fransa).

2016-cı il Kampaniyası ilə bağlı bütün məlumatlardan xəbərdar olmaq istəyirsinizsə, bizi www.mfc.org.pl və ya www.facebook.com/microfinance.centre səhifələrində izləyin.

Azərbaycanda Kampaniyanın www.azercredit.az/az/borrow_wisely/ səhifəsində izləyin və ya marketing@azercredit.az e-poçt vasitəsi ilə əlaqə saxlayın.